ᐅᓂᒃᑳᕗᑦ
ᑲᓇᑕᒥ ᓄᓇᖃᖅᑳᖅᓯᒪᔪᑦ ᐃᖃᓗᓕᕆᓂᕐᒧᑦ ᑐᙵᕕᖓᑦ ᐃᑲᔪᖅᑐᐃᕗᑦ ᑲᓇᑕᓕᒫᒥ ᐊᔾᔨᒌᖕᓂᕐᒥᒃ ᐊᒻᒪᓗ ᐋᖅᑭᒃᑕᐅᒪᔾᔪᑎᓂᒃ ᓄᓇᖃᖅᑳᖅᓯᒪᔪᑦ ᐱᓕᕆᐊᖏᓐᓂ ᐊᒻᒪᓗ ᐱᓕᕆᐅᓯᖏᓐᓂ ᓄᓇᓕᖕᓄᑦ ᐱᕚᓪᓕᕈᑕᐅᔪᓐᓇᖅᑐᓂ ᐊᖏᓛᖑᑎᓪᓗᒋᑦ.
ᐃᓂᑦᑎᑎᓂᖅ ᐅᑭᐅᒥ ᒪᐃ 2017-ᒥ ᐱᔭᐅᓯᒪᔪᖅ, ᑭᖑᓂᐊᒍᑦ ᓇᓴᓇᐅᔪᖅ ᓄᓇᖃᖅᑳᖅᓯᒪᔪᑦ ᐃᒪᕐᒥᐅᑕᓕᕆᓂᕐᒧᑦ ᐊᒻᒪ ᐃᒪᕐᒥᐅᑕᐅᑉ ᓇᐅᑦᑎᖅᑕᐅᓂᖓᓄᑦ ᑲᑎᒪᔾᔪᑎ (ᑕᐃᒪᐃᑦᑐᖅ ᓯᕗᓂᐊᒍᑦ ᓇᓴᓇᐅᓯᒪᔪᖅ ᓄᓇᖃᖅᑳᖅᓯᒪᔪᑦ ᐃᒪᕐᒥᐅᑕᓕᕆᓂᕐᒧᑦ ᑲᑎᒪᔾᔪᑎ). ᐊᑯᓂᖓ ᑎᒥᐅᔪᖅ ᑐᑭᓯᒪᓂᕐᒥᒃ ᐱᓕᕆᔭᐅᔪᖅ ᐊᑎᖃᖅᑐᖅ ᑲᑐᔾᔨᖃᑎᒌᓐᓂᖅ ᓄᓇᖃᖅᑳᖅᓯᒪᔪᑦ ᐊᒻᒪ ᒐᕙᒪᒃᑯᑦ ᐊᑯᓂᖓ: ᐊᑐᓕᖅᑎᑦᑎᓂᖅ ᑲᑐᔾᔨᖃᑎᒌᓐᓂᖅ, ᐃᓕᖅᑯᓯᖅ ᑲᑐᔾᔨᖃᑎᒌᓐᓂᖅ, ᐊᒻᒪ ᐊᑐᓕᖅᑎᑦᑎᓂᖅ ᑲᑐᔾᔨᖃᑎᒌᓐᓂᖅ ᐱᓕᕆᐊᓂᒃ ᐊᒻᒪ ᐊᑐᐊᒐᕐᓂᒃ ᐊᑦᑕᓇᖅᑐᓂᒃ ᐃᓅᓯᕐᓄᑦ ᓄᓇᖃᖅᑳᖅᓯᒪᔪᑦ.
ᐱᓕᕆᐊᕗᑦ ᐱᒋᐊᖅᑐᖅ ᓄᓇᖃᖅᑳᖅᓯᒪᔪᓄᑦ ᐱᓕᕆᐊᒃᓴᖅ ᕿᒥᕐᕈᔭᐅᓂᖓᓂᒃ ᐊᒻᒪ ᓴᖅᑭᖅᑕᐅᓂᖓ ᐅᑭᐅᖅᑕᖅᑐᒥ ᑲᑎᓯᒪᐅᖅᑐᑦ ᑮᓇᐅᔭᓕᐅᕐᓂᒃᑯᑦ ᐃᒪᕐᒥᐅᑕᓕᕆᓂᕐᒧᑦ ᐱᓕᕆᐊᖑᔪᒪᔪᖅ. ᑖᓐᓇ ᓄᖅᑲᖅᑎᑕᐅᓯᒪᔪᖅ ᐅᑭᐅᒥ ᒪᐃ 2019-ᒥ ᐊᒻᒪ ᑎᑎᕋᖅᑕᐅᓯᒪᔪᖅ ᐊᑎᖃᖅᑐᓂ ᐃᒪᕐᒥᐅᑕᓕᕆᓂᕐᒧᑦ ᐊᒻᒪ ᐃᒪᕐᒥᐅᑕᐅᑉ ᓇᐅᑦᑎᖅᑕᐅᓂᖓᓄᑦ ᑲᓇᑕᒥ. ᓯᑉᑎᒻᐱᕆ 2019-ᒥ, ᐊᑯᓂᖓ ᒐᕙᒪᒃᑯᑦ ᐊᓯᐊᒍᑦ ᓴᖅᑭᖅᑎᑦᑎᓯᒪᔪᑦ ᑐᑭᓯᓇᖅᑐᒥᒃ ᐊᑐᐊᒐᒥᒃ ᑭᐅᓂᐊᖅᑐᖅ ᑕᒪᒃᑮᓂᒃ ᐊᔪᖅᓴᐃᔾᔪᑎᓂᒃ ᑎᑎᕋᖅᑕᐅᓯᒪᔪᓂᒃ ᕿᒥᕐᕈᔭᐅᓂᕐᒥ.
ᐊᒻᒪ ᐃᓂᑦᑎᑎᓂᖅ ᒫᓐᓇ ᐊᒥᓱᓂᒃ ᐱᓕᕆᐊᓂᒃ ᐱᓕᕆᐊᖃᖅᑐᖅ ᐊᑐᓕᖅᑎᑦᑎᓂᕐᒥᒃ ᓄᓇᖃᖅᑳᖅᓯᒪᔪᑦ ᐱᓕᕆᐊᒃᓴᖅ ᕿᒥᕐᕈᔭᐅᓂᖓᓂᒃ ᐊᒻᒪ ᐊᑐᓕᖅᑎᑦᑎᓂᕐᒥᒃ ᐊᑐᐊᒐᒥᒃ ᑲᓇᑕᒥ ᐃᒪᕐᒥᐅᑕᓕᕆᓂᕐᒧᑦ.
ᐃᑲᔫᑏᑦ ᑐᙵᕖᑦ
ᐱᕙᓪᓕᐊᖃᑎᒌᖕᓂᖅ, ᐋᖅᑭᒃᓱᐃᖃᑎᒌᖕᓂᖅ, ᐊᒻᒪᓗ ᐃᓕᓐᓂᐊᖅᑎᑦᑎᖃᑎᒌᖕᓂᖅ
ᐱᓕᕆᖃᑎᒌᖕᓂᖅ ᐊᑐᓕᖅᑎᑕᐅᔪᖅ – ᐱᓕᕆᖃᑎᒌᒃᓗᑎᒃ ᐊᔾᔨᒌᒃᑐᒃᑯᑦ ᐱᕙᓪᓕᐊᑎᑦᑎᓂᕐᒧᑦ, ᐋᖅᑭᒃᓱᐃᓂᕐᒧᑦ, ᐊᒻᒪᓗ ᑐᓂᓯᓂᕐᒧᑦ ᒐᕙᒪᑐᖃᒃᑯᑦ ᐱᓕᕆᐊᖏᓐᓂᒃ ᐊᒻᒪᓗ ᖃᓄᐃᓕᐅᖅᑕᐅᓂᐅᔪᓂᒃ ᓄᓇᖃᖅᑳᖅᓯᒪᔪᑦ ᐃᓅᓯᖏᓐᓂᒃ ᐊᒻᒪᓗ ᐊᑐᖅᑕᐅᔪᓐᓇᖅᑐᖏᓐᓂᒃ.
ᐃᓚᐅᑎᑦᑎᓂᖅ
ᐱᓕᕆᐊᕗᑦ ᐃᓚᖃᖅᑐᖅ ᐃᓅᓯᕐᓂᑦ. ᑐᓴᕈᒪᔪᒍᑦ ᐃᓱᒪᒋᔭᕐᓂᑦ ᐊᒻᒪ ᐊᐱᖅ ᓱᐃᔾᔪᑎᓂᑦ ᓯᕗᓂᒃᓴᒥ ᐃᒪᕐᒥᐅᑕᓕᕆᓂᕐᒧᑦ ᐊᒻᒪ ᐃᒪᕐᒥᐅᑕᐅᑉ ᓇᐅᑦᑎᖅᑕᐅᓂᖓᓄᑦ ᑲᓇᑕᒥ ᓄᓇᖃᖅᑳᖅᓯᒪᔪᓄᑦ ᐱᓕᕆᐊᓂᑦ.
ᒪᑐᐃᖓᓂᖅ
ᐃᓱᒪᒋᔭᐅᔪᓕᒫᓄᑦ ᒪᑐᐃᖓᔪᒍᑦ: ᐊᖏᔪᓂᒃ ᒥᑭᔪᓂᓪᓗ, ᓄᑖᓂᒃ ᐱᑐᖃᕐᓂᓪᓗ, ᑲᓇᑕᒥ ᐊᕕᒃᑐᖅᓯᒪᔪᓂᓪᓗ, ᐱᖅᑯᓯᑐᖃᓂᒃ ᓱᓕᑎᖏᓐᓂᓪᓗ.
ᐱᒻᒪᕆᐅᑎᑦᑎᓂᖅ
ᐃᓚᐅᑎᑕᐅᓂᖅ ᐊᒻᒪᓗ ᒪᑐᐃᖓᓂᖅ ᐱᒻᒪᕆᐅᑎᑦᑎᓂᕐᒥᒃ ᐱᖃᕆᐊᖃᖅᑐᑦ. ᐱᒻᒪᕆᐅᑎᑦᑎᙱᑦᑐᒦᓐᓇᓱᐊᕐᓂᖅ ᐱᐅᔪᒃᑯᑦ ᓇᓪᓕᒃᑯᓕᒫᓐᓄᑦ ᑐᑭᓯᑎᑕᐅᓂᐊᖅᑐᖅ.
ᑐᑭᓯᓇᖅᑐᒃᑯᑦ ᐅᖃᖃᑎᒌᖕᓃᑦ
ᐊᑐᕐᓂᐊᖅᑐᒍᑦ ᐅᖃᐅᓯᐅᑦᑎᐊᖅᑐᓂᒃ ᐊᒻᒪᓗ ᑕᑯᔅᓴᐅᔪᓂᒃ – ᐊᒻᒪᓗ ᓇᐃᑦᑐᒃᑯᑦ ᑎᑎᕋᕐᓂᕐ ᒥᒃ ᐊᑐᕋᓵᖃᑦᑕᙱᓪᓗᑕ.