ᓇᐃᓈᖅᓯᒪᔪᖅ & ᖃᓄᐃᓕᖓᓯᒪᓂᖓ
ᓄᓇᖃᖅᑳᖅᓯᒪᔪᓄᑦ ᐱᓕᕆᐊᒃᓴᖅ ᕿᒥᕐᕈᔭᐅᓂᖓ ᓇᐃᓈᖅᓯᒪᔪᒥ
2017 ᒪᐃ ᐊᒻᒪ 2019 ᒪᐃ ᐊᑯᓐᓂᖓᓂ, ᐱᓕᕆᕝᕕᒃ ᓇᓗᓇᐃᔭᐅᑎᑦ ᐱᓕᕆᐊᑦ ᐃᖃᓗᓕᕆᔩᑦ ᐊᒻᒪ ᐃᒪᕐᓂᐊᓂᕐᒧᑦ ᑲᓇᑕᒥ ᓇᓗᓇᐃᔭᐅᑎᑦ ᐱᓕᕆᐊᑦ ᐃᑲᔪᖅᑐᑦ ᓄᓇᖃᖅᑳᖅᑐᑦ ᐃᓚᐅᓂᖏᑦ ᑮᓇᐅᔭᓕᐅᕐᓂᒃᑯᑦ ᐃᖃᓗᓕᕆᓂᕐᒧᑦ ᐊᒻᒪ ᐃᒪᕐᒥ ᐃᖃᓗᓕᕆᓂᕐᒧᑦ ᐱᓕᕆᐊᓂᒃ ᐊᒻᒪ ᑲᑐᔾᔨᖃᑎᒌᑦ ᐊᐅᓚᑦᑎᓂᕐᒥ ᐃᖃᓗᓕᕆᓂᐅᔪᑦ, ᐃᒪᕐᒥ ᐱᕈᖅᑐᑦ, ᑕᕆᐅᖅ, ᐊᒻᒪ ᓄᓇᖓᑦ.
ᑕᓪᓕᒪᑦ ᐱᓕᕆᐊᑦ ᓇᓗᓇᐃᔭᐅᔪᑦ:
Aboriginal Fisheries Strategy (AFS)
Aboriginal Fishery Guardian Program (AFG)
Aboriginal Aquatic Resource and Oceans Management Program (AAROM)
Atlantic Integrated Commercial Fisheries Initiative (AICFI)
Pacific Integrated Commercial Fisheries Initiative (PICFI)
ᐃᓚᐅᓪᓗᑕ ᐃᓱᒪᔭᐅᔪᓄᑦ ᐱᓕᕆᐊᖅᓯᓂᕐᒧᑦ ᓄᑖᖅ ᐅᑭᐅᖅᑕᖅᑐᒥ ᑲᑎᓯᒪᐅᖅᑐᑦ ᑮᓇᐅᔭᓕᐅᕐᓂᒃᑯᑦ ᐃᒪᕐᒥᐅᑕᓕᕆᓂᕐᒧᑦ ᐱᓕᕆᐊᖑᔪᒪᔪᖅ (NICFI).
ᓄᓇᖃᖅᑳᖅᓯᒪᔪᓄᑦ ᐱᓕᕆᐊᒃᓴᖅ ᕿᒥᕐᕈᔭᐅᓂᖓᑕ ᖃᓄᐃᓕᖓᓯᒪᓂᖓ
ᓄᓇᖃᖅᑳᖅᓯᒪᔪᓄᑦ ᐱᓕᕆᐊᒃᓴᖅ ᕿᒥᕐᕈᔭᐅᓂᖓ ᐱᔭᕆᑐᔪᒥ ᖃᐅᔨᓴᕐᓂᐅᓚᐅᖅᐳᖅ ᐊᐅᓚᓂᖓᓂ ᐊᒻᒪ ᓴᖑᓯᒪᓂᖓᓐᓂ ᐊᑐᓂ ᐱᓕᕆᐊᖑᔪᒧᑦ ᑕᑯᓇᓱᐊᕐᓂᕐᒧᑦ ᑭᓱᑦ ᐊᓯᔾᔨᕆᐊᖃᕋᔭᕐᓂᖏᓐᓂ ᐅᕝᕙᓘᓐᓃᑦ ᐱᐅᓯᒋᐊᖅᑎᑕᐅᓗᓂ ᐊᖏᓛᖓᓂ ᐱᕚᓪᓕᕈᑕᐅᔪᓐᓇᕐᓂᐊᕐᓂᖓᓂ ᓄᓇᖃᖅᑳᖅᓯᒪᔪᓄᑦ ᐃᓄᖕᓄᑦ ᐊᒻᒪ ᓄᓇᓕᖕᓄᑦ ᑲᓇᑕᓕᒫᒥ.
ᑐᙵᕕᒃ ᐱᒋᐊᓚᐅᖅᐳᖅ ᐆᒥᖓ ᕿᒥᕐᕈᓇᖕᓂᐅᔪᒥ ᖃᐅᔨᓴᖅᖢᑎᒃ ᖃᐅᔨᓴᖅᑕᐅᓂᑯᓂ, ᑮᓇᐅᔭᓕᐊᕆᕙᒃᑕᑦ ᖃᐅᔨᓴᖅᑕᐅᒻᒪᕆᖕᓂᖏᓐᓂ, ᑐᒃᓯᕋᐅᑕᐅᔪᓂ ᐊᒻᒪ ᖃᓄᐃᓕᐅᖅᑕᐅᖃᑦᑕᖅᑐᓄᑦ ᐃᓗᐊᒍᑦ ᐃᖃᓗᓕᕆᓂᕐᒧᑦ ᐃᒪᕐᒥᐅᑕᓕᕆᓂᕐᒧᓪᓗ ᑲᓇᑕᒥ, ᐊᒻᒪᓗᑦᑕᐅᖅ ᐱᓕᕆᐊᖑᔪᒧᑦ−ᐱᔾᔪᑎᓕᖕᓄᑦ ᓯᓚᑖᒍᑦ ᐅᓂᒃᑳᓕᐊᓂᑦ. ᕿᒥᕐᕈᓚᐅᕆᕗᒍᑦ ᐊᓯᖏᓐᓂ ᒐᕙᒪᑐᖃᒃᑯᑦ ᐱᓕᕆᐊᖑᔪᓂᑦ ᑲᑎᙵᓂᖃᖃᑎᖃᖅᑐᓂ ᑐᕌᖅᑕᐅᓇᓱᐊᖅᑐᓄᑦ ᐅᕝᕙᓘᓐᓃᑦ ᑲᑎᒪᔾᔪᑎᒃᓴᓄᑦ. ᐅᓇ ᐃᓚᒋᔭᖓ ᐱᓕᕆᓂᑦᑎᓐᓂ ᑕᐃᔭᐅᓚᐅᖅᐳᖅ 'ᑭᐴᑉ ᖄᖓᓂ ᕿᒥᕐᕈᔭᐅᓂᖓᓂ.'
ᑐᙵᕕᖃᖅᑐᒥ ᑭᐴᑉ ᖄᖓᓂ ᕿᒥᕐᕈᔭᐅᓂᖓᓂ, ᓇᓗᓇᐃᖅᓯᓚᐅᖅᐳᒍᑦ ᐊᒻᒪ ᐅᖃᓪᓚᐅᓯᖃᓚᐅᖅᐳᒍᑦ ᐃᓚᖏᓐᓂ ᐱᑕᖃᒐᔪᒃᑐᓂ ᐋᖅᑭᒃᓯᒪᓂᐅᔪᓂ ᐊᒻᒪ ᐊᑲᐅᙱᓕᐅᕈᑕᐅᔪᓂ, ᐃᓚᖃᖅᑐᒥ ᑲᓇᑕᒥ ᐊᒻᒪ ᐊᕕᒃᑐᖅᓯᒪᓂᐅᔪᓂ ᐱᓕᕆᔨᒻᒪᕆᐅᔪᓂ ᐃᖃᓗᓕᕆᓂᕐᒧᑦ ᐃᒪᕐᒥᐅᑕᓕᕆᓂᕐᒧᓪᓗ ᑲᓇᑕᒥ ᑲᒪᒋᔭᖃᖅᑐᓂ ᐊᓪᓚᕝᕕᓕᕆᓂᕐᒧᑦ ᐅᑯᓂᖓ ᐱᓕᕆᐊᖑᔪᓄᑦ.
ᐊᓱᐃᓛᒃ, ᐃᓚᐅᑎᑦᑎᕙᓪᓕᐊᓕᓚᐅᖅᐳᒍᑦ ᓄᓇᖃᖅᑳᖅᓯᒪᔪᓄᑦ ᐃᓄᖕᓂ ᖃᔅᓯᒐᓚᐅᓂᐅᔪᓂᑦ.
ᓯᕗᓪᓕᖅᐹᒥ, ᐸᕐᓇᐃᓚᐅᖅᐳᒍᑦ ᐅᖃᐅᓯᒃᓴᓄᑦ ᐸᐃᑉᐹᑦ ᐊᐱᖅᑯᑎᒃᓴᓕᖕᓂ ᑲᑎᙵᔪᓄᑦ ᐊᒻᒪ ᐃᓄᑐᐃᓐᓇᕐᓄᑦ ᐃᓱᒪᒃᓴᖅᓯᐅᕆᓂᕐᒥ ᑭᐅᔭᐅᓂᖓᓄᑦ. ᐊᑐᓂ ᐸᐃᑉᐹᖅ ᐅᓂᒃᑳᕆᕗᖅ ᐱᓕᕆᐊᖑᔪᒥ ᕿᒥᕐᕈᔭᐅᔪᒥ, ᓇᐃᓈᕆᓯᒪᔪᒥ ᑭᐴᑉ ᖄᖓᓂ ᕿᒥᕐᕈᔭᐅᓂᖓᓄᑦ ᓇᓂᔭᐅᓂᐅᔪᓂ, ᖃᓄᐃᓕᖓᓂᐅᔪᓂ ᐅᖃᓪᓚᖕᓂᕆᓚᐅᖅᑕᑦᑎᓐᓂ, ᐊᒻᒪᓗ ᐅᖃᐅᓯᒃᓴᓕᐊᓂ ᐱᓕᕆᕝᕕᖕᒥ ᐱᓕᕆᔨᒻᒪᕆᐅᔪᓄᑦ.
ᒪᕐᕈᖓᓂ, ᑲᑎᒪᖃᑎᖃᓚᐅᖅᐳᒍᑦ ᓵᙵᓪᓗᑎᒍᑦ ᓄᓇᖃᖅᑳᖅᓯᒪᔪᓄᑦ ᓄᓇᓕᖕᓂ ᐊᒻᒪᓗ ᑲᑎᙵᔪᓂ ᑲᓇᑕᔨᒫᒥ ᐱᓕᕆᐊᒧᑦ-ᑐᕌᖓᔪᓄᑦ ᐃᓕᓐᓂᐊᕐᓂᕐᒧᑦ ᑲᑎᒪᓂᕐᓂ ᐊᒻᒪᓗ ᐊᓯᖏᓐᓂᑦ ᐃᓚᐅᑎᑦᑎᓂᕐᒥ ᑲᑎᒪᓂᐅᔪᓂ. ᐃᓚᖃᖅᐳᖅ ᑲᓇᑕᐅᑉ ᐅᑭᐅᖅᑕᖅᑐᓕᒫᖓᓐᓂ.
ᐱᖓᔪᖓᓐᓂ, ᖃᔅᓯᒐᓚᖕᓂ ᐅᖃᕐᕕᐅᔪᓐᓇᖅᑐᓄᑦ ᐋᔩᖃᑎᒌᖕᓂᕐᒧᑦ ᒪᑐᐃᖓᑎᑦᑎᓚᐅᖅᐳᒍᑦ ᐃᓄᖕᓄᑦ ᑐᙵᓱᖁᓪᓗᒋᑦ ᐅᖃᐅᓯᕆᓂᖏᓐᓂ ᐃᓱᒪᒋᔭᒥᓂᑦ ᐊᒻᒪᓗ ᐊᐱᖅᓱᕈᓐᓇᕐᓂᕐᒧᑦ. ᐅᓇ ᐃᓚᖃᓚᐅᖅᐳᖅ ᐃᓄᓕᕆᓂᕐᒧᑦ ᓯᐊᒻᒪᖅᑎᑦᑎᓂᕐᒥ (ᕙᐃᔅᐳᒃ ᐊᒻᒪᓗ ᑐᐃᑐ), ᐃᕐᖐᓐᓈᖅᑕᐅᑦ, ᐅᖃᓘᑎᒃᑯᑦ ᐊᒻᒪᓗ ᑎᑎᖅᑲᕐᓂᐊᕐᕕᒃᑯᑦ ᑎᑎᖅᑲᑎᒍᑦ.
