ᐃᓅᓯᕐᒧᑦ-ᑮᓇᐅᔭᓕᕆᓂᕐᒧᑦ ᐊᑐᖅᑐᐊᒃᓴᐅᔪᑦ

ᓄᓇᖃᖅᑳᖅᓯᒪᔪᑦ ᐃᓄᐃᑦ ᐃᓚᐅᑦᑎᐊᖅᑐᑦ ᑲᓇᑕᐅᑉ ᐃᖃᓗᓕᕆᓂᖓᓂ ᐊᒻᒪᓗ ᑕᕆᐅᕐᒥᐅᑕᓕᕆᓂᖓᓂ. ᐃᓚᓐᓂᒃᑯᑦ, ᐃᓚᐅᓂᐅᔪᖅ ᐃᓚᖃᖅᐳᖅ ᐱᓕᕆᖃᑎᖃᕐᓂᕐᒥᒃ: ᓄᓇᓕᖕᓃᑦᑐᑦ ᑲᑐᔾᔨᖃᑎᖃᕐᓂᖏᓐᓂᒃ ᓂᐅᕕᐊᒃᓴᐅᔭᖅᑐᓕᕆᔨᒃᑯᓐᓂ, ᖃᐅᔨᓴᐅᑎᓕᕆᔨᑦ ᐱᓕᕆᖃᑎᒌᖕᓂᖏᓐᓂᒃ ᖃᓄᐃᓕᖓᓂᖏᓐᓄᑦ ᑲᑎᙵᔪᑎᒍᓪᓘᓐᓃᑦ ᐃᓕᓴᐃᔩᓪᓗ ᐃᓕᓐᓂᐊᖅᑐᓕᕆᔨᐅᑉᓗ ᑲᑎᙵᔪᖏᓐᓂᒃ, ᐊᒻᒪᓗ ᒐᕙᒪᑐᖃᒃᑯᑦ ᒐᕙᒪᒃᑯᓐᓂ ᐋᖅᑭᒃᑕᐅᓯᒪᔪᓂᒃ. ᐃᓚᖏᑦ ᐱᓕᕆᖃᑎᒌᖕᓃᑦ ᑲᑎᖅᓱᖅᓯᒪᔪᑦ ᑮᓇᐅᔭᓕᐅᕈᑕᐅᔪᓄᑦ ᐊᒻᒪᓗ ᓄᓇᓕᖕᓃᑦᑐᓄᑦ ᐃᖃᓗᓕᕆᓂᕐᒧᑦ ᐱᓕᕆᐊᓂ ᐊᐅᓚᑕᐅᔪᑦ ᐃᖃᓗᓕᕆᓂᕐᒧᑦ ᐃᒪᕐᒥᐅᑕᓕᕆᓂᕐᒧᓪᓗ ᑲᓇᑕᒥ. ᐊᓯᖏᑦ ᐱᓕᕆᖃᑎᒌᖕᓂᖃᖅᐳᑦ ᓇᖕᒥᓂᖅ ᑮᓇᐅᔭᓕᐅᕈᑕᐅᔪᓄᑦ, ᓄᓇᖃᖅᑳᖅᓯᒪᔪᓄᑦ ᐱᕚᓪᓕᕈᑎᒋᓂᐊᖅᑕᖏᑦᑕ ᐊᖏᕈᑕᐅᔪᓄᑦ ᐅᕝᕙᓘᓐᓃᑦ ᐊᓯᖏᑦ ᒐᕙᒪᑐᖃᒃᑯᑦ, ᐊᕕᒃᑐᖅᓯᒪᔪᓂᐅᑉ ᐅᕝᕙᓘᓐᓃᑦ ᐊᕕᒃᑐᖅᓯᒪᔪᑦ ᓄᓇᓕᖏᓐᓂ ᐱᓕᕆᐊᑦ.

ᓄᓇᖃᖅᑳᖅᓯᒪᔪᑦ ᐱᓕᕆᖃᑎᒌᖕᓃᑦ ᐃᖃᓗᓕᕆᓂᕐᒥ ᐊᒻᒪᓗ ᑕᕆᐅᕐᒥᐅᑕᓕᕆᓂᐅᔪᒥ ᓯᕗᒧᐊᒃᑎᑦᑎᕗᑦ ᓴᐃᒻᒪᖃᑎᒌᖕᓂᕐᒥᒃ, ᓴᖅᑭᑎᑦᑎᓪᓗᑎᒃ ᐃᖅᑲᓇᐃᔮᕐᓂᒃ, ᐃᑲᔪᖅᑐᐃᓪᓗᑎᒃ ᓴᙱᓂᖅᓴᒧᑦ ᐃᓅᓯᕐᒧᑦ-ᑮᓇᐅᔭᓕᕆᓂᕐᒧᑦ ᐱᔭᐅᔪᓄᑦ ᓄᓇᖃᖅᑳᖅᓯᒪᔪᑦ ᐃᓄᖕᓄᑦ, ᐊᒻᒪᓗ ᐱᕚᓪᓕᕈᑕᐅᓪᓗᓂ ᑲᓇᑕᐅᑉ ᑮᓇᐅᔭᓕᕆᓂᖓᓄᑦ ᐊᑕᐅᓰᒃᑯᑦ. ᑕᐃᑰᓇᓯᐊᒃ, ᐅᑯᐊ ᐱᓕᕆᖃᑎᒌᖕᓃᑦ ᖃᐅᔨᑎᑦᑎᕗᑦ ᑲᔪᓯᑎᑕᐅᔪᓐᓇᖅᑐᓂᒃ ᐊᑐᖅᑕᐅᔪᓐᓇᖅᑐᒥᒃ ᐊᑐᕐᓂᕐᒥᒃ ᑐᙵᕕᖃᖅᑐᒥᒃ ᓄᓇᖃᖅᑳᖅᓯᒪᔪᑦ ᖃᐅᔨᒪᔭᖏᓐᓂᒃ ᐊᒻᒪᓗ ᖃᐅᔨᓴᐅᑎᓕᕆᓂᕐᒥᒃ—ᐊᒻᒪᓗ ᓴᐳᒻᒥᔭᐅᓂᖏᓐᓂᒃ ᐃᖃᓗᐃᑦ ᐊᒥᒐᐃᑦ, ᓇᔪᖅᑕᐅᔪᑦ ᐊᒻᒪᓗ ᑕᕆᐅᑦ ᐱᕚᓪᓕᕈᑎᖃᖁᓪᓗᒋᑦ ᓯᕗᓂᒃᓴᒥ ᑭᖑᕚᒃᓴᓄᑦ.

ᓄᓇᖃᖅᑳᖅᓯᒪᔪᑦ ᐃᓅᓯᕐᒧᑦ-ᑮᓇᐅᔭᓕᕆᓂᕐᒧᓪᓗ ᐊᑐᖅᑐᐊᒃᓴᐅᔪᑦ ᐃᖃᓗᓕᕆᓂᕐᒥ ᐊᒻᒪᓗ ᑕᕆᐅᕐᒥᐅᑕᓕᕆᓂᐅᔪᒥ ᑲᑎᖅᓱᖅᓯᒪᔪᑦ ᖃᐅᔨᓴᑦᑎᐊᖅᐳᑦ ᐃᓚᖏᓐᓂ ᐱᓕᕆᖃᑎᒌᖕᓂᐅᔪᓂ: ᓇᓗᓇᐃᖅᓯᓪᓗᑎᒃ ᖃᓄᐃᓕᖓᓂᐅᔪᓂ ᐅᕝᕙᓘᓐᓃᑦ ᖃᓄᐃᓕᐅᖅᑕᐅᔪᓂ ᓴᖅᑭᓚᐅᖅᑐᓂ, ᐊᑐᓂ ᐱᓕᕆᖃᑎᒌᖑᔪᑦ ᐱᓕᕆᓚᐅᖅᑕᖏᓐᓂᒃ ᐱᓕᕆᖃᑎᒌᒡᓗᑎᒃ, ᐊᒻᒪᓗ ᐱᕚᓪᓕᕈᑕᐅᓚᐅᖅᑐᑦ. ᐱᔾᔪᑎᒋᔭᐅᔪᑦ ᐋᖅᑭᒃᓱᖅᑕᐅᓯᒪᔪᑦ ᐃᖃᓗᓕᕆᓂᕐᒧᑦ, ᐃᒪᕐᒥᑦ ᐱᕈᖅᓴᐃᓂᕐᒧᑦ, ᐃᖃᓗᐃᓂᐅᑎᓂᕐᒧᑦ, ᑕᕆᐅᕐᓄᑦ, ᓇᔪᖅᑕᐅᔪᓄᑦ, ᖃᐅᔨᓴᖅᑎᓄᑦ, ᐊᒻᒪᓗ ᐊᓪᓚᕝᕕᓕᕆᓂᕐᒧᑦ ᐱᔾᔪᑎᐅᔪᓄᑦ. ᓴᖅᑭᔮᖅᑎᑦᑎᕗᑦ ᑲᓇᑕᓕᒫᒥ ᓄᓇᖃᖅᑳᖅᓯᒪᔪᑦ ᓄᓇᓕᖏᓐᓂᒃ.

ᐃᓅᓯᕐᒧᑦ-ᑮᓇᐅᔭᓕᕆᓂᕐᒧᑦ ᐊᑐᖅᑐᐊᒃᓴᐅᔪᑦ ᐱᔭᕇᖅᑎᑦᑎᖃᑦᑕᖅᑐᑦ ᐃᓅᓯᕐᒧᑦ ᐊᒻᒪᓗ ᑮᓇᐅᔭᓕᕆᓂᕐᒧᑦ ᑐᕌᒐᕐᓂ ᐊᑐᖅᑐᒋᑦ ᐊᔾᔨᒌᙱᑦᑐᑦ ᐱᓕᕆᓂᐅᑎᑦ ᑲᔪᓯᑎᑕᐅᔪᓐᓇᖅᑐᑦ.

ᖁᕕᐊᒋᓚᐅᖅᑕᕗᑦ ᐊᑐᓂ ᐅᓂᒃᑳᕐᓂᒃ ᑐᓂᓯᓯᒪᑉᓗᒋᑦ ᑲᑎᖅᓱᒃᓯᒪᔪᕗᑦ ᐱᔭᕇᕆᐊᓐᓂᑦ ᒫᑦᓯ 2021-ᒥ. ᐊᑕᖏᖅᑐᒥᒃ ᓴᖅᑭᑎᑕᐅᔪᖅ ᒫᓐᓇ ᐊᑐᐃᓐᓇᐅᓕᖅᐳᖅ (PDF).