ᐱᓕᒻᒪᒃᓴᕐᓂᖅ ᐊᒻᒪᓗ ᐊᔪᙱᓐᓂᐅᔪᓂ ᐱᕙᓪᓕᐊᑎᑦᑎᓂᖅ
ᑲᓇᑕᒥ ᓄᓇᖃᖅᑳᖅᓯᒪᔪᑦ ᐃᖃᓗᓕᕆᓂᕐᒧᑦ ᑐᙵᕕᖓᑦ ᐊᒻᒪᓗ ᐃᖃᓗᓕᕆᓂᕐᒧᑦ ᐃᒪᕐᒥᐅᑕᓕᕆᓂᕐᒧᓪᓗ ᑲᓇᑕᒥ ᐱᓕᕆᕗᑦ ᐃᑲᔪᖅᑐᐃᓂᕐᒧᑦ ᓄᓇᖃᖅᑳᖅᓯᒪᔪᑦ ᐃᖃᓗᓕᕆᓂᕐᒧᑦ ᐱᓕᒻᒪᒃᓴᕐᓂᖏᓐᓂ ᐊᒻᒪᓗ ᐃᖅᑲᓇᐃᔮᕆᔪᓐᓇᖅᑕᖏᓐᓂ ᐊᖅᑯᑎᖏᑦ ᐱᐅᓯᒋᐊᖅᑎᑕᐅᓯᒪᔪᒃᑯᑦ ᐸᕐᓇᐃᓂᕐᒧᑦ, ᓴᓇᕐᕈᑎᑦ, ᐊᒻᒪᓗ ᐊᑯᓂᐅᔪᒧᑦ ᑮᓇᐅᔭᕐᓂᒃ ᑐᓂᓯᔪᓐᓇᕐᓂᕐᒧᑦ ᐃᑲᔫᑎᐅᔪᓐᓇᖅᑐᓂᒃ.
ᐱᓕᒻᒪᒃᓴᕐᓂᖅ ᐱᕈᖅᑐᐃᔪᖅ ᖃᐅᔨᒪᓂᕐᒥᒃ, ᐊᔪᙱᓐᓂᐅᔪᓂ, ᐊᒻᒪᓗ ᐱᓕᕆᔪᓐᓇᕐᓂᕐᒥᒃ ᐱᔭᕆᐊᖃᖅᑕᒥᒃ ᐱᓕᕆᔪᓐᓇᕐᓂᕐᒧᑦ ᒫᓐᓇ ᐃᖅᑲᓇᐃᔮᒥᒃ ᐊᑐᖅᑎᓪᓗᒋᑦ ᐊᐅᓚᔾᔭᐃᕙᓪᓕᐊᑎᑦᑎᓪᓗᑎᒃ ᐃᓄᑐᐃᓐᓇᕐᓂᒃ ᓯᕗᓂᒃᓴᒥᑦ ᐃᖅᑲᓇᐃᔮᒥᒃ ᐱᕙᓪᓕᐊᓂᖅᓴᐅᓂᕐᒧᑦ ᐊᓯᔾᔨᕐᓂᕐᒧᓪᓘᓐᓃᑦ.
ᑮᓇᐅᔭᓕᐅᕈᑎᒋᓂᖅ ᐱᓕᒻᒪᒃᓴᕐᓂᕐᒥᒃ ᐊᒻᒪᓗ ᐊᔪᙱᓐᓂᐅᔪᓂ ᐱᕙᓪᓕᐊᑎᑦᑎᓂᕐᒥᒃ ᐱᐅᓛᒥᒃ ᐊᑐᖅᑐᐊᒃᓴᐅᕗᖅ ᒐᕙᒪᓄᑦ ᐊᒻᒪᓗ ᓂᐅᕕᐊᒃᓴᐅᔭᖅᑐᓕᕆᔨᒃᑯᓐᓄᑦ. ᑐᙵᕕᐅᒋᕗᖅᑕᐅᖅ ᐸᕐᓇᐅᑎ ᓄᓇᖃᖅᑳᖅᓯᒪᔪᑦ ᓄᓇᓕᖏᓐᓄᑦ ᓴᙱᓂᖅᓴᐅᑎᑦᑎᓗᓂ ᐱᓕᕆᔪᓐᓇᕐᓂᕐᒥᒃ, ᐊᑐᖅᑕᐅᔪᓐᓇᖅᑐᓂᒃ ᐊᐅᓚᑦᑎᑦᑎᐊᕐᓗᑎᒃ, ᐊᒻᒪᓗ ᑮᓇᐅᔭᓕᕆᓂᕐᒥᒃ ᓯᕗᒧᐊᖅᑎᑦᑎᓗᓂ.
ᓱᒻᒪᑦ ᐱᓕᒻᒪᒃᓴᕐᓂᖅ ᐱᒻᒪᕆᐅᖕᒪᖔᖅ
ᐱᓕᕆᐊᑦ ᐊᒡᒋᖅᑐᑦ ᐃᖃᓗᓕᕆᓂᕐᒧᑦ ᐃᒪᕐᒥᐅᑕᓕᕆᓂᕐᒧᓪᓗ ᑲᓇᑕᒥ ᐃᑲᔪᖅᑐᐃᓯᒪᔪᑦ ᓄᓇᖃᖅᑳᖅᓯᒪᔪᑦ ᓄᓇᓕᖏᓐᓂ ᐊᒻᒪᓗ ᓂᐅᕕᐊᒃᓴᐅᔭᖅᑐᓕᕆᔨᒃᑯᑦ ᓴᖅᑭᑦᑎᓂᕐᒥ ᐊᒻᒪᓗ ᑲᔪᓯᑎᑦᑎᓂᕐᒥ ᐃᖅᑲᓇᐃᔮᕐᓂᒃ, ᐃᓚᖃᖅᐸᒃᑐᑦ ᐃᖅᑲᓇᐃᔮᕐᓂᒃ ᓲᕐᓗ:
ᐃᖃᓗᒐᓱᐊᖅᑏᑦ
ᓄᓇᒥ ᐱᓕᕆᔩᑦ
ᐊᐅᓚᑦᑎᔩᑦ
ᐃᓂᑦᑎᐊᒦᑦᑐᓕᕆᔩᑦ
ᑲᒪᔩᑦ
ᐊᕙᑎᓕᕆᔨᒻᒪᕇᑦ
ᑭᓯᐊᓂᓗ, ᐅᑯᐊ ᐱᓕᕆᐊᑦ ᐋᖅᑭᒃᑕᐅᓯᒪᓚᐅᖅᑐᑦ ᐱᒋᐊᕐᕕᒥ ᐱᓕᒻᒪ ᒃᓴᕐᓂᖅ ᐃᑲᔪᖅᑐᖅᑕᐅᓂᖓᓂ ᐊᖏᓂᖅᓴᒥ ᐱᓕᕆᓂᐊᖅᖢᑎᒃ. ᑐᕌᒐᖃᖅᐳᑦ ᐊᑯᓂᐅᔪᒧᑦ ᐃᖅᑲᓇᐃᔮᒥᒃ ᐊᖅᑯᑎᒋᔭᐅᓂᐊᖅᑐᓂᒃ ᐱᕈᖅᑐᐃᓂᕐᒥᒃ ᐊᒻᒪᓗ ᑲᔪᓯᔪᓐᓇᖅᑐᒃᑯᑦ ᐃᖅᑲᓇᐃᔮᓂᒃ ᐱᓕᕆᔪᓐᓇᕐᓂᕐᒥᒃ.
ᓄᓇᖃᖅᑳᖅᓯᒪᔪᓄᑦ ᐱᓕᕆᐊᒃᓴᖅ ᕿᒥᕐᕈᔭᐅᓂᖓᑕ ᓇᓂᔭᖏᑦ
ᓄᓇᖃᖅᑳᖅᓯᒪᔪᓄᑦ ᐱᓕᕆᐊᒃᓴᖅ ᕿᒥᕐᕈᔭᐅᓂᖓᓂ, ᑲᓇᑕᒥ ᓄᓇᖃᖅᑳᖅᓯᒪᔪᑦ ᐃᖃᓗᓕᕆᓂᕐᒧᑦ ᑐᙵᕕᖓᑦ ᓇᓗᓇᐃᖅᓯᓚᐅᖅᐳᖅ ᐱᓕᒻᒪᒃᓴᕐᓂᕐᒧᑦ ᑮᓇᐅᔭᕐᓂᒃ ᐊᖏᒡᓕᒋᐊᖅᑎᑦᑎᔭᕆᐊᖃᕐᓂᕐᒥᒃ:
ᑐᑭᓕᖕᒥᒃ ᐃᖅᑲᓇᐃᔮᕐᒥᒃ ᐃᑲᔪᖅᑐᐃᓂᖅ
ᐋᖅᑭᒃᓱᖅᑕᐅᓯᒪᔪᒃᑯᑦ ᐃᖅᑲᓇᐃᔮᒥᒃ ᓯᕗᒧᐊᒃᑎᑦᑎᔪᓐᓇᕐᓂᕐᒧᑦ ᐊᖅᑯᑎᔅᓴᓂᒃ ᐱᔪᓐᓇᖅᑎᑦᑎᓂᖅ
ᐊᑯᓂᐅᔪᒧᑦ ᑎᒍᒻᒥᐊᖅᑕᐅᓂᕐᒥᒃ ᐱᓕᒻᒪᒃᓴᕐᓂᕐᒧᑦ ᐱᓕᕆᐊᓂ ᑐᓂᓯᓂᖅ
ᐱᒻᒪᕆᐅᔪᖅ ᐊᑐᓕᖁᔭᐅᓚᐅᖅᐳᖅ ᐃᖃᓗᓕᕆᓂᕐᒧᑦ ᐃᒪᕐᒥᐅᑕᓕᕆᓂᕐᒧᓪᓗ ᑲᓇᑕᒥ ᑎᒍᒻᒥᐊᖁᔭᐅᓚᐅᖅᑐᖅ ᐊᑯᓂᐅᔪᒧᑦ ᑮᓇᐅᔭᖅᑖᕈᑕᐅᔪᓐᓇᖅᑐᒥᒃ ᐃᑲᔪᖅᑐᐃᓂᕐᒧᑦ ᓄᓇᖃᖅᑳᖅᓯᒪᔪᑦ ᐱᓕᒻᒪᒃᓴᕐᓂᖏᓐᓄᑦ ᐊᒻᒪᓗ ᐊᔪᙱᓐᓂᐅᔪᓂ ᐱᕙᓪᓕᐊᑎᑦᑎᓂᕐᒧᑦ ᐱᓕᕆᓂᐅᔪᓄᑦ.
ᒫᓐᓇ ᐱᓕᕆᖃᑎᒌᒃᑐᓂ ᐱᓕᕆᓃᑦ
ᑐᙵᕕᒃ ᐱᓕᕆᖃᑎᖃᖅᐳᑦ ᐃᖃᓗᓕᕆᓂᕐᒧᑦ ᐃᒪᕐᒥᐅᑕᓕᕆᓂᕐᒧᓪᓗ ᑲᓇᑕᒥ ᐊᑐᓕᖅᑎᑦᑎᓂᕐᒧᑦ ᑕᒪᑐᒥᖓ ᐊᑐᓕᖁᔭᐅᔪᒥᒃ ᖃᔅᓯᒐᓚᖕᓂ ᐸᕐᓇᐅᑎᓄᑦ ᐱᓕᕆᐊᓂ:
1. ᒐ ᕙᒪᑐᖃᒃᑯᑦ ᑮᓇᐅᔭᓕᐅᕈᑎᒋᔭᖏᓐᓂᒃ ᕿᒥᕐᕈᓂᖅ
ᒫᓐᓇ ᒐᕙᒪᑐᖃᒃᑯᑦ ᑮᓇᐅᔭᓕᐅᕈᑎᒋᔭᖏᑦ ᓄᓇᖃᖅᑳᖅᓯᒪᔪᑦ ᐱᓕᒻᒪᒃᓴᕐᓂᖏᓐᓂ ᕿᒥᕐᕈᓂᖅ ᐃᖃᓗᓕᕆᓂᕐᒧᑦ ᐊᒻᒪᓗ ᑕᕆᐅᕐᓂ
ᐊᑯᓐᓂᖏᓐᓂ ᐊᒻᒪᓗ ᐊᑐᕈᓘᔭᖅᑐᓂᒃ ᓇᓗᓇᐃᖅᓯᓂᖅ
2. ᓄᓇᓕᖕᓂ ᐱᓕᒻᒪᒃᓴᕐᓂᕐᒥᒃ ᓄᓇᙳᐊᓕᐅᕐᓂᖅ
ᐱᓕᒻᒪᒃᓴᕐᓂᕐᒧᑦ ᐱᓕᕆᐊᓂ ᒫᓐᓇ ᐃᑲᔪᖅᑐᖅᑕᐅᔪᑦ ᓄᓇᖃᖅᑳᖅᓯᒪᔪᑦ ᓄᓇᓕᖏᓐᓄᑦ ᑲᑎᖅᓱᐃᓂᖅ
ᑐᑭᓯᓂᖅ ᖃᓄᖅ ᐱᓕᒻᒪᒃᓴᕐᓂᖅ ᐃᖅᑲᓇᐃᔮᒧᑦ ᑐᕌᒐᕐᓄᑦ ᓯᕗᒧᐊᒃᑎᑦᑎᖕᒪᖔᖅ
3. ᐃᖅᑲᓇᐃᔮᒧᑦ ᐊᖅᑯᑎᒃᓴᓄᑦ ᕿᒥᕐᕈᓂᖅ
ᐃᖅᑲᓇᐃᔮᓂᒃ ᕿᒥᕐᕈᓂᖅ:
ᐃᖃᓗᓕᕆᓂᕐᒧᑦ
ᐃᒪᕐᒥᑦ ᐱᕈᖅᓴᐃᓂᖅ
ᐃᖃᓗᐃᑦ ᓇᔪᖅᑕᖏᑦ
ᑕᕆᐅᕐᓂ
ᐊᕙᑎᒥᑦ ᑭᐅᔾᔪᑎᓂᖅ
ᐃᒪᕐᒥᐅᑕᓂᒃ ᐊᑐᖅᑕᐅᔪᓐᓇᖅᑐᓂᒃ ᐊᐅᓚᑦᑎᓂᖅ
ᓇᓗᓇᐃᖅᓯᓗᑎᒃ ᐱᔭᕆᐊᖃᖅᑐᓂᒃ:
ᖃᐅᔨᒪᓂᖅ
ᐊᔪᙱᓐᓂᐅᔪᓂ
ᐱᔪᓐᓇᕐᓃᑦ
ᐊᖏᖅᑕᐅᓯᒪᔪᑦ
4. ᐃᓕᓐᓂᐊᕐᓂᕐᒧᑦ & ᐊᖏᖅᑕᐅᓯᒪᔪᓄᑦ ᑲᑎᖅᓱᐃᓂᖅ
ᐃᓕᓐᓂᐊᕈᑏᑦ ᐃᓕᓐᓂᐊᕐᓂᕐᒧᑦ ᐊᒻᒪᓗ ᐱᓕᒻᒪᒃᓴᕐᓂᕐᒧᑦ ᑎᒥᐅᔪᓂᑦ ᑐᓂᔭᐅᕙᒃᑐᑦ ᑲᑎᖅᓱᕐᓗᒋᑦ
ᐊᖏᖅᑕᐅᓯᒪᔪᓂᒃ, ᐃᓕᓐᓂᐊᖅᓯᒪᓂᕐᒧᑦ ᐊᖏᖅᑕᐅᓯᒪᔪᓂᒃ, ᐊᒻᒪᓗ ᐱᔭᕇᕈᑎᔪᐊᕐᓂᒃ ᓇᓗᓇᐃᖅᓯᓂᖅ
5. ᐱᓕᒻᒪᒃᓴᕐᓂᕐᒧᑦ ᐊᐅᓚᑦᑎᓂᕐᒧᑦ ᓴᓇᕐᕈᑏᑦ
ᑲᓇᑕᓕᒫᒥ ᐊᔾᔨᒌᒃᑐᑦ ᐱᓕᒻᒪᒃᓴᕐᓂᕐᒧᑦ ᐊᐅᓚᑦᑎᓂᕐᒧᑦ ᓴᓇᕐᕈᑎᑦ ᖃᐅᔨᓴᕐᓂᖅ
ᐊᑐᖅᑐᐊᒃᓴᐅᔪᓂᒃ ᓇᓗᓇᐃᖅᓯᓗᑎᒃ:
ᐱᓕᒻᒪᒃᓴᕐᓂᕐᒧᑦ ᐸᕐᓇᐅᑎᓂᒃ ᐋᖅᑭᒃᓱᐃᓂᖅ
ᐊᐅᓚᑕᐅᓂᖓ ᖃᖓᒃᑯᑦ ᐊᑐᕐᓂᐊᕐᒪᖔᑕ
ᐱᓕᒻᒪᒃᓴᕐᓂᕐᒧᑦ ᐱᓕᕆᓂᐅᔪᓂ ᑲᐅᔨᓴᕐᓂᖅ
ᐅᓂᒃᑳᓕᐊᕆᔭᐅᔪᑦ ᐱᔭᐅᔪᑦ
6. ᐃᖅᑲᓇᐃᔮᕐᓂᒃ ᑲᐅᔨᓴᕐᓂᕐᒥᒃ ᐱᐅᓯᒋᐊᖅᑎᑦᑎᓂᖅ
ᐊᖅᑯᑎᔅᓴᓂᒃ ᕿᒥᕐᕈᓗᑎᒃ ᐃᑲᔪᖅᑐᐃᓂᕐᒧᑦ ᐃᖃᓗᓕᕆᓂᕐᒧᑦ ᐃᒪᕐᒥᐅᑕᓕᕆᓂᕐᒧᓪᓗ ᑲᓇᑕᒥ ᐱᐅᓂᖅᓴᒃᑯᑦ ᑲᐅᔨᓴᖁᓪᓗᒋᑦ ᓄᓇᖃᖅᑳᖅᓯᒪᔪᑦ ᐃᓚᐅᓂᖏᓐᓂᒃ ᐱᓕᒻᒪᒃᓴᕐᓂᕐᒧᑦ ᐊᒻᒪᓗ ᐃᖅᑲᓇᐃᔮᕐᒧᑦ ᐱᓕᕆᐊᓂ
ᓄᓇᓕᖕᓂ ᐃᓚᐅᑎᑦᑎᓂᖅ
ᓄᓇᓕᖕᓂ ᐃᓚᐅᓂᖅ ᐱᔭᕆᐊᖃᕐᓂᖅᐹᖑᕗᖅ ᑕᒪᑐᒪ ᐱᓕᕆᐊᒧᑦ.
ᑐᙵᕕᒃ ᐱᕙᓪᓕᐊᑎᑦᑎᓯᒪᔪᖅ ᓴᓇᕐᕈᑎᓂᒃ ᐃᑲᔪᖅᑐᐃᓂᕐᒧᑦ ᕿᒥᕐᕈᓂᕐᒥᒃ, ᐅᖃᓪᓚᖕᓂᕐᒥᒃ, ᐊᒻᒪᓗ ᑭᐅᔾᔪᑎᓂᒃ:
ᓄᓇᖃᖅᑳᖅᓯᒪᔪᑦ ᐱᓕᒻᒪᒃᓴᕐᓂᖏᓐᓄᑦ ᐊᒻᒪᓗ ᐊᔪᙱᓐᓂᐅᔪᓂ ᐱᕙᓪᓕᐊᑎᑦᑎᓂᕐᒧᑦ – ᓇᐃᓈᖅᓯᒪᔪᖅ ᐅᓂᒃᑳᓕᐊᖅ
ᐅᖃᐅᓯᒃᓴᓄᑦ ᒪᓕᒐᒃᓴᖅ
ᐊᐱᖅᑯᑎᔅᓴᖅ ᑐᓂᓯᔾᔪᑎ
ᐃᖅᑲᓇᐃᔮᑦ ᐃᖃᓗᓕᕆᓂᕐᒥ ᐊᒻᒪᓗ ᑕᕆᐅᕐᒥᐅᑕᓕᕆᓂᐅᔪᒥ ᑎᑎᕋᖅᓯᒪᔪᖅ
ᐃᓄᑑᔮᖅᑐᓄᑦ ᐱᖁᑎᓂ ᐱᓕᒻᒪᒃᓴᕐᓂᕐᒧᑦ ᐊᑐᖅᑕᐅᔪᓐᓇᖅᑐ
ᐱᓕᒻᒪᒃᓴᕐᓂᕐᒧᑦ ᐊᖅᑯᑏᑦ ᐃᖅᑲᓇᐃᔮᕐᓄᑦ ᑕᕐᕆᔮᒃᓴᖅ
ᐃᖅᑲᓇᐃᔮᕐᒧᑦ ᐱᓕᒻᒪᒃᓴᕐᓂᕐᒧᑦ ᖃᓄᐃᓕᖓᓯᒪᓂᖏᑦ
ᐱᓕᒻᒪᒃᓴᕐᓂᕐᒧᑦ ᐱᓕᕆᓂᖅ ᐊᒻᒪᓗ ᓴᓇᕐᕈᑏᑦ ᑕᑯᔅᓴᐅᔪᖅ
ᑐᒃᓯᕋᐅᑎᐅᔪᖅ ᐱᓕᒻᒪᒃᓴᕐᓂᕐᒧᑦ ᐸᔅᐳᐊᑦ
ᐃᖅᑲᓇᐃᔮᒧᑦ ᓯᕗᒧᐊᒃᑎᑦᑎᔪᓐᓇᕐᓂᕐᒧᑦ ᐊᖅᑯᑎᔅᓴᒧᑦ ᑕᑯᔅᓴᐅᔪᑦ:
ᐊᑐᖅᑕᐅᔪᓐᓇᖅᑐᓂᒃ ᐊᐅᓚᑦᑎᓂᖅ
ᐃᖃᓗᓕᕆᓂᕐᒧᑦ ᑲᒪᔨ
ᐱᓕᕆᐊᒥᑦ ᐱᔭᐅᔪᑦ
ᑕᒪᑐᒪ ᐱᓕᕆᐊᒥᑦ ᓄᐊᔪᑦ:
A ᑭᖑᓪᓕᖅᐹᖅ ᐅᓂᒃᑳᓕᐊᖅ ᓴᖅᑭᑕᐅᓚᐅᖅᐳᖅ ᐊᑐᓕᖁᔭᐅᔪᓂᒃ ᐱᓕᒻᒪᒃᓴᕐᓂᕐᒥᒃ ᐊᒻᒪᓗ ᐃᖅᑲᓇᐃᔮᒧᑦ ᐸᕐᓇᐃᓂᕐᒥᒃ ᓴᓇᕐᕈᑎᓂᒃ ᓄᓇᖃᖅᑳᖅᓯᒪᔪᑦ ᐊᐅᓚᑦᑎᔨᖏᓐᓄᑦ ᐊᒻᒪᓗ ᐃᖅᑲᓇᐃᔭᖅᑎᖏᓐᓄᑦ
ᐊᑐᓕᖁᔭᐅᔪᑦ ᑐᓂᔭᐅᓚᐅᖅᐳᑦ ᐃᖃᓗᓕᕆᓂᕐᒧᑦ ᐃᒪᕐᒥᐅᑕᓕᕆᓂᕐᒧᓪᓗ ᑲᓇᑕᒥ ᒐᕙᒪᑐᖃᒃᑯᑦ ᐱᓕᕆᖃᑎᒌᖕᓂᖏᓐᓂ ᐊᒻᒪᓗ ᐱᔭᕇᖅᑎᑕᐅᑦᑎᐊᕐᓂᕐᓂ ᐱᐅᓯᒋᐊᖅᑎᑦᑎᓂᕐᒧᑦ
ᐊᑯᓂᐅᔪᒧᑦ ᑮᓇᐅᔭᖅᑖᖅᑎᑦᑎᓂᕐᒧᑦ ᐊᔾᔨᒌᙱᑦᑐᑦ ᓄᓇᖃᖅᑳᖅᓯᒪᔪᑦ ᐃᖃᓗᓕᕆᓂᖏᓐᓄᑦ ᐊᒻᒪᓗ ᑕᕆᐅᒃᑯᑦ ᐱᓕᒻᒪᒃᓴᕐᓂᖏᓐᓄᑦ ᑐᒃᓯᕋᐅᑎᒋᔭᐅᓚᐅᖅᐳᑦ
ᐱᒻᒪᕆᐅᔪᖅ ᐊᑐᖅᑕᐅᔪᓐᓇᖅᑐ
ᓄᓇᖃᖅᑳᖅᓯᒪᔪᑦ ᐱᓕᒻᒪᒃᓴᕐᓂᖏᓐᓄᑦ ᐊᒻᒪᓗ ᐊᔪᙱᓐᓂᐅᔪᓂ ᐱᕙᓪᓕᐊᑎᑦᑎᓂᕐᒧᑦ – ᓇᐃᓈᖅᓯᒪᔪᖅ ᐅᓂᒃᑳᓕᐊᖅᐊᑐᐃᓐᓇᐅᕗᖅ ᐅᕙᓂ:http://indigenousfisheries.ca/en/wp-content/uploads/2022/02/ITSD-Summary-Report-FINAL_eng_for-distribution_v2.pdf
